Watu wawili wamefariki dunia wilayani Simanjiro mkoani Manyara kwa kujinyonga akiwemo mwanafunzi wa darasa la saba wa shule msingi iliyopo mji mdogo wa Mirerani.

Kamanda wa Polisi wa Mkoa wa Manyara, Agustino Senga akizungumza leo Alhamisi amesema matukio hayo ya vifo yametokea kwenye mazingira tofauti.

Kamanda Senga amesema tukio la kwanza lilitokea kwenye Kata ya Endiamtu mji mdogo wa Mirerani ambalo limemuhusu mwanafunzi wa darasa la saba wa Shule ya Msingi Songambele, Neema Achuu (15).

Amesema chanzo cha kifo hicho hakijajulikana na polisi bado wanaendelea na uchunguzi wa tukio hilo na mwili wa marehemu huyo umehifadhiwa kwenye Hospitali ya Wilaya ya Hai mkoani Kilimanjaro.